Istòrio

Jan Hus
Reformatour chèque nascut à Husinec, en Bouèmio, vers 1370 e supliciat à Coustanço, en Alemanho, en 1415. Jan Hus es counsiderat per li Chèques coumo un eroi naciounau, pas soulomen per soun activitat religiouso e poulitico mas atabé per sa countribuciou à l’espelido de la lengo literàrio chèco.
Tiro soun noum de soun vilajou natau, Husinec. Fo lis estùdis à Prago, à l’universitat Charle, ounde sarò proufessour, puèi rectour. Lou counsagrou prèire en 1400, e se bouto à prezica, toujour à Praga, dinc la capèlo de Betelèm. Dinc si prezics, pronounciats en lengo chèco, Jan Hus se quilho countro la descazença di clèrgues, e precouniso un retourn à la religiou de las primièras edats del cristianisme.
En 1408, l’archivèsque de Prago li interdis de mounta en cadièro. Jan Hus passo óutro e vé be lèu una persounalitat d’impourtanço naciounalo, que recampa las energïos chècos que galvaniso fàcio à l’influéncio germanico.
En 1411, s’aturo de las tèsis de l’Anglés John Wyclif. Hus es escoumenjat. Escriu soun lhibre De Ecclesia, qu’afourtis que lou papo, lis avèsque e li prèires prevaricadours sou fora-gitats de la coumunitat cristiano (vendos d’indulgenço e simounio). Retirat en Bouèmio del Sud, countunho d’oubra en favour de sa reformo e achabo de revira la Bìblio en chèque.
Lou councìli de Coustanço, counvoucat en 1414 per achaba lou grand cismo d’oucident, lou fai coumpareisse coumo iretge (en particulier per que recoumando la coumuniou souto las duos menos, pô e vi, coumo lis Ourtoudoxes). Jan Hus aparo sas idèio ammé valéncio e refuzo de se retracta. Après un proucès despachatiéu, lou coundemnou à mort per iretgio, e lou cramou vieu à Coustanço lou 6 de julhet de 1415. Ero ja mountat soubre lou linhier, quand una vièlho fenno s’aturet per apourta soun fais. En la vezen, lou supliciat venguet: «O sancta simplicitas! », en voulen mostra per aquelo fourmulo que l’èsse lou mai inoucent pot faire lou mau per dessabenço. Quauques istourians atribuissou la fraso à soun discìpoul Jeròni de Prago, que fouguet cramat vieu guel també lou 30 de mai de 1416 – douncos un an après soun mèstre.
Chau nouta que lou suplìci de Jan Hus faguet proutesta lou papo Benezet XIII, que demouravo à l’epoco à Perpinhan. (Benezet XIII, Pedro de Luna, ouficialomen « anti-papo » mas soul papo vertadier segoun lou drèit canoun)
Lou martìri de Jan Hus arrestet jes lou mouviment hussito, que beilarò vam à un mouviment de revolto pouderous, que traspassarò l’encastre religious per oubra dinc lou douméni poulitique, ambé coumo toco l’independéncio naciounalo de la Bouèmio. Lis hussitos lhutou durant mai de vint ans countro lou rèi de Bouèmio Sigismound de Lutzembourg. Durant aquessos guèrros aparèis un aute eroi naciounau, Jan Zizka.